1169/2011 (EB) Araudiaren berritasun nagusietako bat da alergiak edo intolerantziak sor ditzakeen edozein substantzia adierazi behar dela, bai ontziratutako elikagai bai ontziratu gabeko elikagai guztietan.
Bai kontsumitzaile bai elikagai enpresen arduradunek hobeto ulertzeko alergenoak nola adierazi, Batzordeak dokumentu bat argitaratu du. Adibideekin azaltzen da nola adierazi behar diren alergiak eragin ditzaketen substantziak (beti ez baita egoten guztiz garbi), hainbat kasutan.
Elikagaietan glutenaren presentziari edo gabeziari buruzko informazioari buruz, araudi bat argitaratu zen “gluten barik” edo “gluten presentzia murriztua” erabiltzeko baldintzak
Alergenoei buruzko informazioa borondatez ematen bada, ez du nahasterik eragingo eta ez da anbiguoa edo nahasgarria izango kontsumitzaileentzat, eta dagozkion datu zientifikoetan oinarrituko da.
Gai horrekin lotuta, Europako Batzordeak exekuzio ekintzak erabaki beharko ditu elikagaiei buruzko borondatezko informazioari betebeharrak aplikatzeari dagokionez:
• Elikagai batean nahi gabe alergiak edo intolerantziak eragiten dituzten produktuak egoteko aukerari buruzko informazioa.
Alergenoen badaezpadako etiketatzea (EPA) – FIAB (2016)
• Elikagai jakin bat begetarianoentzat edo beganoentzat egokia den adierazten duen informazioa.
• Herritar-talde jakin bat edo batzuentzat erreferentziako ingestak adierazteko aukera.
Alergenoak nola adierazi elikagai mota desberdinetan:
ONTZIRATUTAKO ELIKAGAIAK
Osagaien zerrendan adieraziko dira, gainerako osagaietatik bereizteko tipografiarekin. Elikagaiak osagaien zerrendarik ez badu, “hau dauka” aipatuko da eta ondoren, sustantzia alergenikoaren izena.
Elikagaiaren izenak alergiak edo intolerantziak sortzen dituen sustantzia edo produktua argi eta garbi aipatzen duenean, ez da beharrezkoa sustantzia edo produktu hori etiketatzea.
Alergias: consideraciones al etiquetar alimentos envasados – Consejería de Sanidad de Madrid (2014)
ONTZIRATU GABEKO ELIKAGAIAK
Informazioa emateko hainbat modu daude, betiere elikagaiekiko alergia edo intolerantzia duten kontsumitzailearen babes-maila altua bermatzen badu. Hona hemen informazioa emateko moduak:
1. Elikagaiari itsatsitako etiketetan, aldez aurretik ontziratu bada.
2. Elikagaiak saltzeko aurkezten diren lekuetan, karteletan, batetik, elikagaia aurretik ontziratu badu saltzaileak; bestalde, ontziratu gabe saltzen badituzte edo erosleak hala eskatuta saltokian ontziratzen badituzte.
3. Beste modu egoki batzuetan (esaterako: menu bat edo karta bat, establezimenduan merkaturatzen diren produktuen errezeta-liburu bat, ahozko informazioa), betiere kontsumitzaileak eskuragarri baditu erosketa egin baino lehen
4. Urrutiko salmentaren kasuan (adibidez, telefonoaren bidezko erosketan edo eramateko janaria saltzen duten saltokietan), alergenoei buruzko informazioa kostu gehigarririk gabe eman behar da: Erosketa egin baino lehen; adibidez, telefonoz edo webgunean, eta idatziz, elikagaia ematean.
Información sobre alérgenos en alimentos sin envasar – Consejería de Sanidad de Madrid (2014)
JATETXEAK/TABERNAK
Taberna eta jatetxeek ere, alergenoei buruzko informazioa eman behar dute.
Informazioa hurrengo era desberdinetan eman daiteke:
– menu – karta batean, platerean dauden sustantzia alergenikoak aipatuz
– pintxoetan jarritako karteletan
– alergenoei buruzko informazioa dagoen lekua adierazten duten kartelen bidez
– ahoz, berariazko langileen bidez (kasu honetan, idatzizko dokumentazioa ere egongo da laguntza moduan)
Oso garrantzitsua da jatetxe edo tabernetako langileek prestakuntza eta gaurkotutako informazioa izatea.
